बगरले माटो निलेर मैदान तय हुने हो ।।
कसैले जान्दैन भोलि कसको उदय हुने हो ।।
म आफू सानो भएर यस्तो घमण्ड राखूँ ।
हजार दशपल्ट टुक्रिँदा बल्ल सय हुने हो ।।
कसैले यो मात बुझ्न हिम्मत गरोस् कलाको ।
सुराको सागर पिएर संगीत लय हुने हो ।।
प्रियाले व्रतमा पनि मेरै आयु माग्न थालिन् ।
बुझिनछिन् क्यार आफ्नो चाहत विलय हुने हो ।।
यो जिन्दगीलाई सन्तुलित राख्नको निमित्त ।
कसैले हूरी हुँदा कसैले विनय हुने हो ।।
फगत लडाईं गरेर बदनाम बन्छ दुनियाँ ।
बुझे त हुन्थ्यो पुनः विजेता समय हुने हो ।।
