काठमाडाैं । काठमाडौँ महानगरपालिकाको नवनिर्वाचित उप-प्रमुख सुनिता डङ्गोलले रचनात्मक रुपमा महानगर विकासमा जुट्ने बताएकी छन् ।
राष्ट्रिय सभा गृहमा आयोजना भएको निर्वाचन परिणाम घोषणा तथा बधाई ज्ञापन कार्यक्रममा उप-प्रमुख डङ्गोलले जनताले युवा पुस्तालाई गरेको विश्वासमा कुनै कमी आउन नदिने बताएकी हुन् ।
उक्त कार्यक्रममा बाेल्दै नवनिर्वाचित उप-मेयर डंगाेलले महानगरकाे प्रमुखमा स्वतन्त्र उम्मेदवार बालेन्द्र शाह निर्वाचित भएकाे र महानगरपालिकाकाे ३२ वटै वडामा नेपाली कांग्रेस, नेकपा (एमाले) र नेकपा (एकीकृत समाजवादी) का तर्फबाट जनप्रतिनिधिहरू विजय भएकाे बताउँदै सबै जनप्रतिनिधिहरूसंग सहकार्य गरेर महानगरकाे क्रमिक विकासमा लाग्ने बताइन् ।
जनताले महानगर बनाउँन विश्वास दिएकाले जनताकाे अमुल्य मतकाे कदर गर्ने बताइन् । पाँच वर्षमा जनताको लागि निषठावान सेवक भई समग्र काठमाडौँ विकासमा आफ्नो प्राथमिता रहने उल्लेख समेत गरिन् । विगतमा समेत आफू सामाजिक काममै सक्रिय रहेकाले आगामी दिनमा नगरवासीले थपिदिएको जिम्मेवारी इमान्दारिताका साथ पूरागर्ने प्रतिबद्धता व्यक्त गरिन् ।
